ബെംഗളൂരു: മലയാളി യുവാവിനും ബെംഗളൂരു സ്വദേശിനിയായ യുവതിക്കും നേരെ സദാചാര പോലീസ് ചമഞ്ഞ് അക്രമം.
ഇതുമായി ബന്ധപ്പെട്ട് നാല് യുവാക്കളെ പോലീസ് അറസ്റ്റ് ചെയ്തു.
ദക്ഷിണ കന്നഡ ജില്ലയിലെ പ്രശാന്ത ഭണ്ഡാരി (38), ഉമേഷ് (23), സുധീർ (26), കീർത്തൻ പൂജാരി (20) എന്നിവരാണ് അറസ്റ്റിലായത്.
യുവതിയും യുവാവും പനമ്പൂർ ബീച്ചില് ഒരുമിച്ചിരിക്കെ പ്രതികള് അക്രമിക്കാൻ ശ്രമിച്ചുവെന്നാണ് പരാതി.
യുവാക്കള് ഇവരെ ചോദ്യം ചെയ്യുകയും കയ്യേറ്റം ചെയ്യാൻ ശ്രമിക്കുകയും വീഡിയോ പകർത്തുകയും ചെയ്തതായും പരാതിയില് പറയുന്നു.
യുവതി പനമ്പൂർ പോലീസിനെ വിവരം അറിയിച്ചതിനെ തുടർന്ന് പോലീസ് സംഘമെത്തിയാണ് അക്രമികളെ പിടികൂടിയത്.
നേരത്തെയും സദാചാര ആക്രമണം ഉള്പെടെയുള്ള മറ്റു കുറ്റകൃത്യങ്ങളില് ഇവർ ഉള്പ്പെട്ടിട്ടുണ്ടോയെന്നറിയാൻ നാല് പേരുടെയും പശ്ചാത്തലം പോലീസ് പരിശോധിച്ചുവരികയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
